Ansyen Direktè Jeneral Polis Nasyonal Ayiti (PNH), Mario Andrésol, fèk nonmen kòm Sekretè Deta pou Sekirite Piblik.
Nominasyon sa a, ki deja resevwa piblikasyon ofisyèl nan Laprès Nasyonal, make yon etap enpòtan pou yon gouvènman entèmedyè ki ap chèche ranfòse sekirite ak estabilite nan peyi a. Andrésol, se yon lidè ki gen anpil eksperyans nan zafè sekirite, vinn reprezante yon pèsonalite ki enspire konfyans ak espwa nan mitan popilasyon an.
Selon yon sous pwòch Konsèy Prezidansyèl Transisyon (CPT), nominasyon li a konsidere kòm yon estrateji fò pou ranfòse konba kont ensekirite ki ap detwi sosyete a kote gang ame yo t’ap mete dlo nan je anpil moun.
Rapò yo fè konnen ke li ka antre an fonksyon apati Lendi pwochen, vinn yon aksyon ki deja atire anpil atansyon ak espwa nan mitan sitwayen yo.
Mete Mario Andresol nan pozisyon sa, se pa sèlman yon taktik, men tou, se voye yon mesaj klè ke “ Ayiti poko ap peri ! ”
