Mwa Me se yon okazyon espesyal kote nou selebre istwa, kilti, ak valè pèp Ayisyen. Se pa sèlman nan dyaspora a, men tou lakay, nou ranmase fòs pou nou sonje kote nou soti, sa nou ye, e kote n’ap prale kòm pèp fyè.
Nan tradisyon Vodou a, mwa Me se peryòd Kouzen Zaka, lwa travay ak agrikilti. Se yon mwa kote nou mete plis konsiderasyon pou tout moun k’ap travay tè, k’ap lite chak jou pou nouri fanmi yo. Nou onore tout travayè yo, paske san yo, lavi pa ta posib.
Dat enpòtan pou selebrasyon Mwa Eritaj Ayisyen:
1 Me: Jounen Travay ak Agrikilti, nou onore tout travayè ak kiltivatè.
2 Me: Jounen Flè tradisyonèlman selebre lanati ak flè.
15-18 Me: Kongrè Lakay kote ofisye nwa ak milat mete tèt ansanm pou endepandans Ayiti.
17 Me: Jounen Pwofesè pou onore sa k’ap fòme lespri jenerasyon yo.
18 Me: Jounen Drapo ak Inivèsite gwo jou patriyotik ki make fyète Ayisyen.
20 Me: Anivèsè nesans Toussaint Louverture (1743) ki se jeneral revolisyonè.
Dènye dimanch mwa Me: Fèt Manman pou onore fanm ak manman ki kenbe nasyon an kanpe.
Ann mete tèt ansanm pou kontinye prezève eritaj nou ak onè! Se nou ki Ayiti!
Inyon fè fòs,“L’union fait la force.”
