Souvan mizik fèt pou plezi, men fwa sa se pou yon koz pi gran

SAFE, se non mizik ki fè fyète nou gras a trio sa Michael Brun, John Legend, ak Rutshelle. Wi, nou santi nou SAFE lè nou wè bèl kolaborasyon sa. Wi, nou SAFE lè nou jwenn sipò entènasyonal lan ak sipò kominote pa nou an pou yon koz tankou difamasyon. Nou SAFE paske yo konstwi yon pon pou nou kapab ale kote nou vle e di nou se Ayisyen. Nou santi nou SAFE, nan lanmou ki degaje nan tèks mizik la. Anplis, John Legend vle nou SAFE nan peyi isit malgre li riske. SAFE se tout sa nou bezwen lakay nou, kay yon vwazen oubyen kay yon etranje. E ou, kisa mizik SAFE la reprezante pou ou?